Suliffissaaleqineq

2018-imi suliffissaaleqisutut 1.582-it agguaqatigiissillugu qaammammut nalunaarutigineqartarsimapput. Sulisorineqarsinnaasut akornannit 5,8 pct.-iupput, takussutissiaq 1.1 takuuk. 2017-imut sanilliullugu suliffissaaleqisut 276-inik procentinngorlugu 14,9-nik ikilisimapput.

 

Takussutissiaq 1.1 Suliffissaaleqineq aamma suliffissaaleqineq procentinngorlugu najugaqarfinnut suiaassutsinullu immikkoortillugit

	Suliffissaaleqineq					Suliffissaaleqineq procentinngorlugu
	2014	2015	2016	2017	2018	2014	2015	2016	2017	2018
	Inuit					Pct.
Tamakkerlugit	2.754	2.438	1.971	1.858	1.582	10,3	9,1	7,3	6,8	5,8
Illoqarfinni	2.340	2.048	1.641	1.521	1.283	10,0	8,8	7,0	6,4	5,4
Nunaqarfinni il.il.	414	390	330	337	298	12,1	11,3	9,6	10,0	9,0
Angutit	1.506	1.312	1.049	1.009	846	10,3	8,9	7,1	6,8	5,7
Arnat	1.248	1.126	923	849	736	10,3	9,3	7,6	6,9	5,9

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED3 aamma http://bank.stat.gl/ARNLED4 

Malugiuk. 2017-imi januaarip aallaqqaataani 66-inik ukiullit utoqqalinersiaqartalerput siusinnerusukkut 65-inik ukiullit utoqqalinersiaqalersartut. Taamaattumik takussutissiami 2017-imi takussutissiami suliffissaaleqisutut nalunaarsukkat 18-it 65-illu akornanni ukioqarput. Ukiuni siuliinit sulisorineqarsinnaasut 18-it 64-illu akornanni ukioqartarput!

 

Illoqarfinni suliffissaaleqisut amerlanerpaapput. 2018-imi illoqarfinni suliffissaaleqisut 1.283-iupput, nunaqarfinni suliffissaaleqisut 298-iusut. 2017-imut sanilliullugu illoqarfinni suliffissaaleqisut 238-nik ikilisimapput nunaqarfinni suliffissaaleqisut 39-nik ikilisimasut.

 

Illoqarfinni suliffissaaleqisut amerlanerugaluartut sulisorineqarsinnaasut akornanni nunaqarfinni suliffissaaleqisut procentinngorlugit amerlanerupput. 2018-imi agguaqatigiissitsinermi qaammammi ataatsimi nunaqarfimmi sulisorineqarsinnaasut akornanni suliffissaaleqisut 9,0 pct.-iusimapput, illoqarfinni sulisorineqarsinnaasut akornanni 6,4 pct.-it suliffissaaleqisimasut.

 

Angutit arnallu suliffissaaleqisut assingusumik inissisimapput. Nalinginnaasumik qaammatip ataatsip ingerlanerani angutit arnanit amerlanerusut suliffissaaleqisarput. 2018-imi agguaqatigiissillugu angutit 846-it qaammammut suliffissaaleqisarsimapput arnat 736-t agguaqatigiissillugu qaammammut suliffissaaleqisarsimasut. Taamaakkaluartoq angutit sulisorineqarsinnaasut arnanit amerlanerummata, angutit akornanni suliffissaaleqisut procentinngorlugit arnanut sanilliullugit ikinnerupput. 2018-imi angutit sulisorineqarsinnaasut akornanni suliffissaaleqisut qaammammut 5,7 pct.-iusarsimapput arnat sulisorineqarsinnaasut akornanni qaammammut 5,9 pct.-it suliffissaaleqisarsimasut.

 

Titartagaq 1.1 Suliffissaaleqineq procentinngorlugu

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED4

Malugiuk. 2017-imi januaarip aallaqqaataani 66-inik ukiullit utoqqalinersiaqartalerput siusinnerusukkut 65-inik ukiullit utoqqalinersiaqalersartut. Taamaattumik titartakkami 2017-imi suliffissaaleqisutut nalunaarsukkat 18-it 65-illu akornanni ukioqarput. Ukiuni siuliinit sulisorineqarsinnaasut 18-it 64-illu akornanni ukioqartarput!

 

Ukiup ingerlanera malillugu suliffissaaleqisut amerlatsittarlutillu ikilisarput, titartagaq 1.1 takuuk. Ukiumi qaammatini arfinilinni suliffissaaleqisut amerlanerusarput, ukiup ingerlanerani kvartalimi siullermi amerlanerpaajusarput, aasamilu ikinnerusarlutik, kvartalit pingajuanni suliffissaaleqisut ikinnerpaajusarput. Ukiut kingulliit ingerlaneranni ukiup ingerlanerani suliffissaaleqinerit assigiinnerulersimapput. 2016-imiit 2018-imut kvartalit pingajuanni suliffissaaleqisut kvartalit siullianni suliffissaaleqisunit 4 procentpointinik ikinnerusimapput, tamanna 2013-imi aamma 2014-imi 5 procentpointingajaassimavoq. 2018-imi kvartalini tamani ukiup siulianut kvartalinut naleqqiullugit suliffissaaleqinerit appasinnerusimapput.

 

Titartagaq 1.2 Suiaassutsini suliffissaaleqineq procentinngorlugu

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED4

Malugiuk. 2017-imi januaarip aallaqqaataani 66-inik ukiullit utoqqalinersiaqartalerput siusinnerusukkut 65-inik ukiullit utoqqalinersiaqalersartut. Taamaattumik takussutissiami suliffissaaleqisutut nalunaarsukkat 18-it 65-illu akornanni ukioqarput. Ukiuni siuliinit sulisorineqarsinnaasut 18-it 64-illu akornanni ukioqartarput!

 

Ukiup ingerlanerani suliffissaaleqinerit allanngorarnerat angutit akornanni ersarinneruvoq, titartagaq 1.2 takuuk. Angutit suliffigisartagaasa ukiup qanoq ilineranik attuumassuteqarajuttarnerat - aalisartut - tassunga nassuiaatigineqarsinnaavoq, arnat suliffigisartagaat taamak annertutigisumik ukiup qanoq ilineranik sunnerneqarneq ajorput, arnat amerlanerpaat, 62 pct.-it missaat pisortaqarfinni sulisuunerat tassunga pissutaavoq.

 

Titartagaq 1.3 2018-imi distriktini suliffissaaleqineq procentinngorlugu

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED4

 

Titartakkami 1.3-mi aamma takussutissiami 1.2-mi distriktini suliffissaaleqineq procentinngorlugu assigiinngiiaartorujussuusoq takuneqarsinnaavoq. 2018-imi Ilulissat distriktiani suliffissaaleqineq annikinnerpaajusimavoq 2,9 pct.-iulluni Uummannaq distriktimi suliffissaaleqineq tulliusoq 3,0 pct.-iulluni. Akerlianik Tasiilap distriktiani suliffissaaleqineq sulisorineqarsinnaasut akornanni 21,1 pct.-iulluni annertunerpaajusimavoq, taamaakkaluartoq Tasiilap distriktiani suliffissaaleqisut 2017-imut sanilliulligit apparsimapput, 2017-imi 25,0 pct.-iusimagamik. 2018-imi Aasiaat distriktiani suliffissaaleqineq 5,8 pct.-iusimavoq, nuna tamakkerlugu suliffissaaleqineq procentinngortillugu qaninnersaalluni. Nuup distriktiani suliffissaaleqineq 3,3 pct.-iusimavoq.

 

Takussutissiaq 1.2 Distriktini suliffissaaleqineq aamma suliffissaaleqineq procentinngorlugu

	Suliffissaaleqineq					Suliffissaaleqineq procentinngorlugu
	2014	2015	2016	2017	2018	2014	2015	2016	2017	2018
	Inuit					Pct.
Nuna tamakkerlugu ..	2.754	2.438	1.971	1.858	1.582	10,3	9,1	7,3	6,8	5,8
Nanortalik .....	121	115	95	124	118	16,4	15,5	12,7	16,8	16,6
Qaqortoq ......	152	152	141	146	128	10,1	10,0	9,3	9,6	8,5
Narsaq ........	133	115	95	93	82	16,4	15,2	13,2	12,6	11,1
Paamiut .......	113	100	98	91	68	15,9	14,7	14,1	13,6	10,4
Nuuk .........	729	563	492	418	318	8,0	6,1	5,3	4,3	3,3
Maniitsoq ......	141	117	90	91	107	9,4	7,5	5,7	5,8	6,6
Sisimiut .......	238	213	135	120	112	7,6	6,9	4,5	3,9	3,7
Kangaatsiaq ...	97	93	62	60	73	18,9	17,6	11,9	11,1	13,6
Aasiaat .......	151	118	78	90	84	10,5	8,3	5,6	6,4	5,8
Qasigiannguit ..	52	61	32	28	26	8,4	10,4	5,7	5,1	4,6
Ilulissat .......	186	174	105	82	68	8,1	7,6	4,4	3,5	2,9
Qeqertarsuaq ..	38	39	31	31	18	9,7	10,0	8,1	7,8	4,6
Uummannaq ...	91	81	57	41	33	8,5	7,4	5,1	3,7	3,0
Upernavik .....	167	120	76	66	37	14,2	10,2	6,5	5,7	3,2
Qaanaaq ......	84	70	55	39	28	24,6	21,7	18,0	12,9	9,2
Tasiilaq .......	221	281	305	318	266	19,2	23,3	24,6	25,0	21,1
Ittoqqortoormiit	39	27	25	21	15	22,7	15,9	15,2	13,3	10,2

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED3 aamma http://bank.stat.gl/ARNLED4

Malugiuk. 2017-imi januaarip aallaqqaataani 66-inik ukiullit utoqqalinersiaqartalerput siusinnerusukkut 65-inik ukiullit utoqqalinersiaqalersartut. Taamaattumik takussutissiami suliffissaaleqisutut nalunaarsukkat 18-it 65-illu akornanni ukioqarput. Ukiuni siuliinit sulisorineqarsinnaasut 18-it 64-illu akornanni ukioqartarput!

 

Ukioqatigiiaanni tamani nunaqarfinni suliffissaaleqineq illoqarfinni suliffissaaleqinermit annertuneruvoq, takuuk titartagaq 1.4. Inuusunnerusut akornanni nikingassut annertunerpaavoq. Nunaqarfinni inuusuttut 25-it inorlugit ukiullit suliffissaaleqisut amerlanerpaapput.

 

Titartagaq 1.4 2018-imi ukioqqortussutsit najugaqarfiillu tunngavigalugit suliffissaaleqineq procentinngorlugu

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED4

 

Arnat angutillu ukioqatigiiaat akornanni suliffissaaleqineq aamma assigiinngissuteqarpoq. Arnat 30-it inorlugit ukiullit suliffissaleqinerisa procentinngortinnerat angutinit 30-it inorlugit ukiulinnit qaffasinneruvoq, akerlianik ukioqqortunerit akornanni angutit suliffissaaleqinerat procentinngortillugu qaffasinneruvoq. 35-it 39-llu akornanni ukiulinni suiaassuseq suliffissaaleqineq eqqarsaatigalugu apeqqutaanngilaq.

 

Titartagaq 1.5 2018-imi ukioqqortussutsit suiaassutsillu tunngavigalugit suliffissaaleqineq procentinngorlugu

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED4

 

Suliffissaaleqinermik eqqorneqartut amerlanerpaartaat, tassa 84 pct.-ii meeqqat atuarfiannik qaffasinnerpaamik ilinniarsimasuupput, takussutissiaq 1.3 takuuk. Piffissami 2015-imi 2018-imut meeqqat atuarfiannik qaffasinnerpaamik ilinniarsimasut suliffissaaleqinerat annikillinerpaaffiuvoq. 2018-imi meeqqat atuarfiannik qaffasinnerpaamik ilinniarsimasut suliffissaaleqinerat 9,3 pct.-iuvoq.

 

Ilinniarsimasuni allani suliffissaaleqineq nuna tamakkerlugu suliffissaaleqinermit 5,8 pct.-iusumit appasinneruvoq. Ilinniaqqiffiusumik ilinniarsimasut akornanni suliffissaaleqineq annikinnerpaajuvoq, 2018-imi taakku akornanni suliffissaaleqineq 0,5 pct.-ivoq.

 

Takussutissiaq 1.3 Ilinniarsimasat qaffasinnerpaat tunngavigalugit suliffissaaleqineq aamma suliffissaaleqineq procentinngorlugu

	Suliffissaaleqineq					Suliffissaaleqineq procentinngorlugu
	2014	2015	2016	2017	2018	2014	2015	2016	2017	2018
	Inuit					Pct.
Tamakkerlugit	2.754	2.438	1.971	1.858	1.582	10,3	9,1	7,3	6,8	5,8
Meeqqat atuarfiat  ......................	2.303	2.047	1.682	1.567	1.331	15,5	13,9	11,6	11,0	9,3
Ilinniarnertuunngorniarneq   ...............	37	40	30	32	27	3,3	3,4	2,4	2,3	1,9
Inuussutissarsiornermik ilinniarneq  .........	384	324	237	238	204	5,5	4,6	3,3	3,2	2,8
- Eqqumiitsuliorneq aamma humaniora  ......	13	11	9	9	7	7,9	6,5	5,3	4,9	4,1
- Inuussutissarsiorneq, allaffissorneq inatsisilerinerlu  ................................	70	55	43	38	34	4,4	3,4	2,6	2,2	2,0
- Ingeniørinngorniarneq, tunisassiorneq sanaartornerlu  ..............................	104	84	55	52	42	4,9	3,9	2,6	2,4	2,0
- Nunalerineq, orpippassualerineq, aalisarneq uumasunullu nakorsaqarneq  ..............	28	22	16	22	16	12,2	9,2	6,3	8,4	6,3
- Peqqinnissaq atugarissaarnerlu  ..........	69	64	43	47	40	4,6	4,3	2,9	3,0	2,5
- Kiffartuussinermi ilinniakkat  ..............	99	88	71	69	65	7,8	6,7	5,1	4,8	4,6
- Allat  ...............................	1	1	1	1	1	1,6	1,1	0,9	1,1	0,6
Tunngaviusumik ilinniaqqinnerit aamma inuussutissarsiutinik ilinniaqqinnerit ...............	4	3	2	2	3	2,2	1,7	1,1	0,9	1,0
Ingerlaqqiffiusumik ilinniarneq  .............	26	24	20	20	18	0,7	0,6	0,5	0,5	0,5

Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED6 aamma http://bank.stat.gl/ARNLED7

Malugiuk. 2017-imi januaarip aallaqqaataani 66-inik ukiullit utoqqalinersiaqartalerput siusinnerusukkut 65-inik ukiullit utoqqalinersiaqalersartut. Taamaattumik takussutissiami suliffissaaleqisutut nalunaarsukkat 18-it 65-illu akornanni ukioqarput. Ukiuni siuliinit sulisorineqarsinnaasut 18-it 64-illu akornanni ukioqartarput!

 

Suliffissaaleqinermut qaffasinnerpaamik inuussutissarsiummik ilinniarsimasat suuneri apeqqutaapput, tamanna takussutissiami 1.3-mi erserpoq. Assersuutigalugu 2018-imi Nunalerineq, orpippassualerineq, aalisarneq uumasunullu nakorsaqarnermik qaffasinnerpaamik ilinniarsimasut (ass. aalisartunut ikiortit aamma qalulerisut) 6,3 pct.-ii suliffissaaleqisimapput, qaffasinnerpaamik Kiffartuussinermi ilinniarsimasut (ass. terminalini sulisut aamma igasut) 4,6 pct.-it suliffissaaleqisimasut. 2017-imut sanilliullugu Nunalerineq, orpippassualerineq, aalisarneq uumasunullu nakorsaqarnermik qaffasinnerpaamik ilinniarsimasut akornanni suliffissaleqineq 2,1 procentpointinik 2018-imi apparsimavoq, Kiffartuussinermi ilinniarsimasut akornanni suliffissaaleqineq 0,2-imik procentpointimik 2018-imi apparsimasoq.

 

2018-imi inuussutissarsiornermik ilinniarsimasut akornanni suliffissaaleqisut allanik ilinniarsimasut (ass. IT-mik aqutsinermik ilinniagallit) ikinnerpaapput 0,6 pct.-iullutik. Inuussutissarsiorneq, allaffissorneq inatsisilerinerlu pillugit ilinniagaqarsimasut (assersuutigalugu allaffimmiut assistentit aamma niuertarinni sulisutut ilinniarsimasut) akornanni suliffissaaleqineq aamma Ingeniøritut ilisimatusarneq, sanaartorneq aamma illussanik sanaartorneq 2,0 pct.-iulluni appasippoq.

 

Inuussutissarsiummik ilinniagaqarsimasut akornanni Kiffartuussinermik ilinniagaqarsimasut suliffissaaleqisut amerlanerpaapput, 2018-imi agguaqatigiissillugu kiffartuussinermik ilinniagaqarsimasut 65-it suliffissaaleqisarsimapput. Taakku inuussutissarsiummik qaffasinnerpaamik ilinniagaqarsimasut akornanni pingajorarterutingajaapput.

 

Takussutissiami 1.4-mi takuneqarsinnaavoq 2018-imi minnerpaamik qaammat ataaseq 5.246-t suliffissaaleqisimasut. Taakku agguaqatigiissillugu qaammammut suliffissaaleqisunit 1.582-iusunit pingasoriaammik amerlanerupput, takuuk takussutissiaq 1.3. Takussutissiami takuneqarsinnaavoq 2018-imi suliffissaaleqisunit 62,6 pct.-it sivisunerpaamik qaammatini pingasuni suliffissaaleqisimasut, 8,0 pct.-it qaammatini 10-12-ini suliffissaaleqisimasutut nalunaarutigineqarsimasut.

 

Takussutissiaq 1.4 2018-imi suiaassutsit, najugaqarfiit aamma qaammatit suliffissaaleqiffiusut tunngavigalugit suliffissaaleqineq

		Qaammatit suliffissaaleqiffiusut
		Minnerpaamik qaammat ataaseq	1-3 qaammatit	4-6 qaammatit	7-9 qaammatit	10-12 qaammatit
		Najugaqarfiit tamakkerlugit
	Tamakkerlugit.	5.246	3.284	1.069	474	419
	Angutit ......	2.713	1.649	574	261	229
	Arnat .......	2.533	1.635	495	213	190
		Illoqarfinni
	Tamakkerlugit.	4.247	2.647	874	391	335
	Angutit ......	2.269	1.366	484	225	194
	Arnat .......	1.978	1.281	390	166	141
		Nunaqarfinni il.il.
	Tamakkerlugit	999	637	195	83	84
	Angutit ......	444	283	90	36	35
	Arnat .......	555	354	105	47	49
Najoqqutaq: Naatsorsueqqissaartarfiup kisitsisaataasivia: http://bank.stat.gl/ARNLED5